واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرعة رد عليه
شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط
ــــــــــــــــــــــــ
عملوا مسابقة سباق السيارات في مرة ,, اشترك فيها واحد صعيدى و جيه يوم السباق بعربية صغيرة موديل قديم قوى ,, المسؤولين عن السباق قالوله : هتخش السباق ازاى بالعربية المهكعة دية !! قالهم : الحكم بعد السباق !! المهم الصعيدى كسب السباق فالناس استغربوا قوى قالوله : ازى العربية المهكعة ديه كسبت السباق !! فقالو انت لازم حاطط فيها موتور طيارة !! فبيفتحوا الكبوت لقوا سته صعايدة عمالين بينهجوا !!!!!
ـــــــــــــــــــــــــــ
موظف راح يدى صوته فى الانتخابات فاختار لا ,, وهو مروح قابل واحد صاحبه فسأله : عملت ايه ؟ قاله : علمت على لا .. لطم صاحبه و قاله : روحت فى شربة ميه !! فسأله الموظف : إيه الحل ؟ قاله : إرجع بسرعه و صلح اللى كتبته ده .. و إكتب نعم .. رجع الموظف لرئيس اللجنة و قاله : جيت أعلم على نعم غصب عنى علمت على لا !! مسكه رئيس اللجنة من ودنه و قاله : إحنا صلحناهالك إوعى تعمل كده تانى
ــــــــــــــــــــــــــــــــ
مرة إتنين أصحاب بيقولوا لبعض تصدق أنا الخدام بتاعى غبى أوى فالتانى قالوه لأ ده أنا الخدام بتاعى أغبى !! فقاله الأولانى تعالى طيب نشوف .. جه الأول و نادى الخدام بتاعه و قاله خد الربع جنيه ده وروح إشتريلي عربية مرسيدس والتانى نادى الخدام بتاعه وقاله روح النادى و شوفنى هناك و لا لآ .. راحوا الخدامين و إتقابلوا فى السكة .. واحد منهم قال للتانى تصدق الراجل اللى أنا بشتغل عنده غبى اوى تصور بعتنى اشتريله عربيه و ما يعرفش إن النهارده الحد والمحلات قافلة فالتانى قاله لا ده انا بشتغل عند واحد أغبى من بتاعك بكتير .. تصور بعتنى النادى أشوفه هناك !! يعنى مش قادر يرفع سماعة التليفون و يسأل على نفسه !!
ـــــــــــــــــــــــــــــــــ
مره واحد راح يصلى فجزمته اتسرقت قام راح و مسك ميكروفون الجامع و قعد و قال اللى مش هيجيب الجزمه دلؤقتي انا هعمل زى ابويا ما كان بيعمل .. المهم راح الحرامى اللى خد الجزمه قال لنفسه لا يكون ابوه بيذبح و لا بيقتل !! المهم راح خاف و حط الجزمه .. الراجل طلع لقى الجزمه وراح قال ياما انت كريم يارب !! المهم مشى و الحرامى ماشى جنبه .. قاله هو ابوك كان بيعمل ايه ياعم الحج ؟؟ قاله ابويا كان بيمشى حافى
ــــــــــــــــــــــــــــ
مرة طيارة طايرة فى الجو وبعدين شويه كده والطيارة اعدت تتهز تتهز والطيار قال يا جماعه الطيارة هاتقع علشان الوزن تقيل ممكن تلاته من الركاب يضحوا بنفسهم علشان الباقى يعيش قام الامريكى وفتح الباب وقال امريكا رمز الحريه ورمى نفسه قام بعده الفرنساوى وقال فرنسا رمز التضحيه ورمى نفسه قام الصعيدى بعدهم وفتح الباب وقال مصر رمز الفهلوة و راح رامى المضيفه برة الطيارة
ـــــــــــــــــــــــــــ
بيقولك مره حرامي دخل على واحد حشاش وعيلته وقاله لو مديتليش كل فلوسك هاقتل حماتك فقام الراجل ضاحك فاتاني استغرب وقام قاتل حماته راح مسك ابنه ونفس الحكاية الراجل فضل يضحك المهم مسك العيلة كلها نفر نفر الحرامي يقوله هاتجيبلي فلوسك ولا اقتله يقوم الراتجل ضاحك
في الاخر الحرامي سأله قاله ماديتليش فلوسك ليه يا عم انت انت مش زعلان على عيلتك راح رادد الراجل وقاله : اطلع من دول يا ابراهيم يا نصر
كفاية عليكم كده النهارده
الرئيسية 
